#qabul_2026
DIQQAT, E’LON!
2026/2027-o‘quv yilidan Ixtisoslashtirilgan ta’lim muassasalari agentligi tizimida Xorijiy tillarga ixtisoslashtirilgan maktab-internat faoliyati yo‘lga qo‘yiladi.
Xorijiy tillarga ixtisoslashtirilgan maktab-internatiga 2026/2027-o‘quv yili uchun hujjatlar qabuli 2026-yil 1-iyundan 15-iyunga qadar 5-, 6- va 7-sinflarga ariza.piima.uz hamda my.gov.uz platformalari orqali onlayn tarzda amalga oshirildi.
Qabul jarayonida maktab-internatga o‘qishga kirish istagini bildirgan talabgorlardan jami 22315 ta ariza kelib tushdi.
Prezident maktablarida qo‘llanilayotgan ilg‘or tajriba asosida Xorijiy tillarga ixtisoslashtirilgan maktab-internat o‘quvchilarni saralab olish va qabul qilishning shaffof, adolatli va xolis tizimini joriy etish maqsadida Cambridge Assessment xalqaro ta’lim tashkiloti bilan hamkorlikda kirish imtihonlarini tashkil etish bo‘yicha kelishuvga erishildi.
5–7-sinflar uchun kirish imtihonlari bir bosqichda quyidagi fanlar bo‘yicha o‘tkaziladi:
✅ Matematika fanidan:
16 ta tanqidiy fikrlash (Critical Thinking);
24 ta muammoni yechish (Problem Solving).
Jami: 40 ta test savol.
✅ Ingliz tili fanidan:
Matn bilan ishlash (Reading component);
Grammatika (Grammar component).
Jami: 40 ta test savol.
Kirish imtihonlari xalqaro standartlar asosida, ochiqlik, adolat va shaffoflik tamoyillariga muvofiq tashkil etiladi.
