AGENTLIK TIZIMIDAGI MAKTABLARGA HAR YILI NECHA NAFARDAN O‘QUVCHI QABUL QILINADI, UMUMAN OLGANDA MAKTABLARNING QABUL REJASI QANDAY TARTIBDA SHAKLLANTIRILADI?

2026-2027-o‘quv yilida Ixtisoslashtirilgan ta’lim muassasalari agentligi tizimidagi maktablarga o‘quvchilarning hujjatlarini qabul qilish va kirish imtihonlarini tashkil etish bo‘yicha savol-javoblar

🔴 SAVOL: AGENTLIK TIZIMIDAGI MAKTABLARGA HAR YILI NECHA NAFARDAN O‘QUVCHI QABUL QILINADI, UMUMAN OLGANDA MAKTABLARNING QABUL REJASI QANDAY TARTIBDA SHAKLLANTIRILADI?

✅ JAVOB: Agentlik tizimidagi maktablarning qabul rejasi, ya’ni kvotasi Agentlik tomonidan belgilanadi. Xususan, qabul kvotasini shakllantirish jarayonida har bir maktabning quvvati va sig‘imi inobatga olinadi. Shunga ko‘ra, ayrim maktablarga 1 ta sinf, ayrim maktablarga 2 ta va undan ortiq sinflar uchun o‘quvchilar qabul qilinishi rejalashtiriladi.

Har bir maktab uchun shakllantirilgan qabul kvotasi Agentlik tomonidan tasdiqlanadi hamda hujjatlar qabuli boshlanishidan oldin rasmiy kanallar va ijtimoiy tarmoqlar orqali xalqqa e’lon qilinadi.

Jumladan:
➡️ Prezident maktablariga 2 ta sinfga 12 nafardan jami 24 nafar;

➡️ ijod maktablarining har bir sinfiga 20 nafar;

➡️ ixtisoslashtirilgan va sport maktablarining har bir sinfiga 24 nafar;

➡️ Muhammad al-Xorazmiy nomidagi ixtisoslashtirilgan maktabning har bir sinfiga 24 nafar;

➡️ Mirzo Ulug‘bek va Abu Ali ibn Sino nomidagi ixtisoslashtirilgan maktablarning har bir sinfiga 20 nafar;

➡️ Al-Beruniy nomidagi xalqaro maktab-internatiga 60 nafar;

➡️ shuningdek, maktablardagi mavjud bo‘sh o‘rinlarga o‘quvchilar qabul qilinadi.

☎️ Qo‘shimcha ma’lumotlar uchun -  Call-markazning 1206 qisqa raqamiga murojaat qilishingiz mumkin.