2026-2027-o‘quv yilida Ixtisoslashtirilgan ta’lim muassasalari agentligi tizimidagi maktablarga o‘quvchilarning hujjatlarini qabul qilish va kirish imtihonlarini tashkil etish bo‘yicha savol-javoblar
🔴 SAVOL: “PREZIDENT IQTIDORLI FARZANDLARI” TASHABBUSINI QOʻLLAB-QUVVATLASH BOʻYICHA MILLIY DASTURNING VAZIFASI NIMA VA UNGA KIMLAR QABUL QILINADI?
✅ JAVOB: Davlatimiz rahbarining tegishli Farmoni bilan 2025-yilda “Prezident iqtidorli farzandlari” tashabbusini qoʻllab-quvvatlash boʻyicha milliy dastur tashkil etildi.
Milliy dasturni tashkil etishdan maqsad:
➡️ iqtidorli yoshlarni barvaqt aniqlash, ularni saralash va yetakchi xalqaro oliy taʼlim muassasalariga kirish uchun tizimli tayyorlash;
➡️ tajribali xorijiy ustozlar jalb etgan holda intensiv taʼlim berish;
➡️ iqtidorli yoshlarni yagona platformaga birlashtirish orqali ularning oʻzaro hamkorligi, tajriba almashinuvi va intellektual salohiyatini roʻyobga chiqarish uchun samarali muhit yaratish;
➡️ yoshlar bilan manzilli ishlash orqali global mehnat bozorida raqobatbardosh boʻlgan mutaxassislar tayyorlash;
➡️ shuningdek, mamlakat taraqqiyoti uchun yangi innovatsion imkoniyatlar yaratishdan iborat.
⚫️ Milliy dasturga har yili respublika boʻylab xorijiy oliy taʼlim tashkilotlarida oʻqishga salohiyati mavjud boʻlgan umumiy oʻrta taʼlim tashkilotlarining joriy 9-sinf bitiruvchilari orasidan 1 500 nafargacha nomzod imtihonlar asosida saralab olinadi.
⚫️ Milliy dastur doirasida saralab olingan oʻquvchilar Agentlik tizimidagi maktab maslahatchilariga biriktiriladi va maxsus platforma orqali 10-11-sinflarda taʼlim olish davrida ular uchun xalqaro top darajadagi oliygohlarga kirish boʻyicha qoʻshimcha oʻqish tashkil etiladi.
☎️ Qo‘shimcha ma’lumotlar uchun Call-markazning 1206 qisqa raqamiga murojaat qilishingiz yoki savolingizni @piftuzbot botiga yo'llashingiz mumkin.
