TOPSHIRILGAN HUJJATLARDA KAMCHILIK ANIQLANGANDA (MASALAN, ADASHIB BOSHQA SHAXSNING MA’LUMOTLARI YUKLANGANDA) QANDAY CHORALAR KO‘RILADI?

2026-2027-o‘quv yilida Ixtisoslashtirilgan ta’lim muassasalari agentligi tizimidagi maktablarga o‘quvchilarning hujjatlarini qabul qilish va kirish imtihonlarini tashkil etish bo‘yicha savol-javoblar

🔴 SAVOL: TOPSHIRILGAN HUJJATLARDA KAMCHILIK ANIQLANGANDA (MASALAN, ADASHIB BOSHQA SHAXSNING MA’LUMOTLARI YUKLANGANDA) QANDAY CHORALAR KO‘RILADI?

✅ JAVOB: Hujjatlar topshirilgandan so‘ng:

➡️ ishchi guruh tomonidan 24 soat ichida ko‘rib chiqiladi;

➡️ bu vaqtda hujjatlar qabul qilinganligi, tahrirlashga yuborilganligi yoki rad etilganligi to‘g‘risida xabar yuboriladi.

Quyidagi kamchiliklar aniqlanganda hujjatlar tahrirlashga yuboriladi:

➡️ talab etilgan hujjatlar to‘liq bo‘lmaganda;

➡️ taqdim etilgan hujjatlardagi yoki muhrdagi yozuvlar o‘qib bo‘lmaydigan darajada xira bo‘lsa.

Aniqlangan kamchiliklarni bartaraf etishga hujjatlarni qabul qilish muddati tugagunga qadar ruxsat beriladi.

Quyidagi hollarda o‘quvchilarning hujjatlarini qabul qilish rad etiladi:

➡️ hujjatlar qabuli yakunlanganidan keyin kirish imtihonida ishtirok etish istagi bildirilganda;

➡️ taqdim etilgan hujjatlarning soxtaligi aniqlanganda;

➡️ umumiy o‘rta ta’lim muassasasining tegishli sinfida o‘qishni to‘liq tamomlagan o‘quvchilar tomonidan Agentlik tizimidagi maktabning shu sinfida takroran o‘qish istagi bildirilganda;

➡️ Prezident maktabiga hujjat topshirgan o‘quvchi matematika yoki tabiatshunoslik fanlaridan yillik “aʼlo” baholar olmaganda;

➡️ Prezident maktabiga hujjat topshirgan o‘quvchi chet el fuqarosi bo‘lganda.

⚫️ Hujjatlarni belgilangan muddatlarda to‘g‘ri va sifatli taqdim etish bo‘yicha mas’uliyat o‘quvchilarning ota-onasi yoki qonuniy vakili zimmasida bo‘ladi.

☎️ Qo‘shimcha ma’lumotlar uchun -  Call-markazning 1206 qisqa raqamiga murojaat qilishingiz mumkin